Adran y Gymraeg ac Astudiaethau Celtaidd

Prifysgol Bangor

Bangor

LL57 2DG

[email protected]

+44 (0)1248 382097

Modiwlau israddedig

• Theatr Fodern Ewrop
• Rhyddid y Nofel
• Gweithdy Rhyddiaith
• Y Theatr Gymraeg Fodern
• Traethawd Estynedig

MA

MA yn y Gymraeg

MA mewn Ysgrifennu Creadigol

PhD

Wedi cyfarwyddo traethodau PhD llwyddiannus y myfyrwyr isod:

• 2008 Judith Kaufmann (Astudiaethau Cyfieithu)
• 2010 Non Meleri Hughes  (Llenyddiaeth Gymraeg)
• 2011 Sian Owen (Ysgrifennu Creadigol)
• 2011 Rhodri Llyr Evans (Llenyddiaeth Gymraeg)
• 2012 Dylan Rees (Ysgrifennu Creadigol)
• 2013 Elin Gwyn (Llenyddiaeth Gymraeg)
• 2014 Eiddwen Jones (Ysgrifennu Creadigol)
• 2015 Meg Elis (Ysgrifennu Creadigol)
• 2019 Samuel Jones (Llenyddiaeth Gymraeg ac Astudiaethau Cyfieithu)
• 2019 Cefin Roberts (Ysgrifennu Creadigol)
• 2021 Elis Dafydd (Llenyddiaeth Gymraeg)
• 2021 Ruth Richards (Llenyddiaeth Gymraeg a ffotograffiaeth)

Wedi cyd-gyfarwyddo traethodau PhD llwyddiannus y myfyrwyr isod:

• 2008 Eleri Hedd James (Llenyddiaeth Gymraeg)
• 2009 Geraldine Lublin (Llenyddiaeth Gymharol)
• 2014 Adam Pearce (Astudiaethau Cyfieithu)
• 2016 Sian Northey (Ysgrifennu Creadigol)

Ar hyn o bryd yn cyfarwyddo traethodau PhD y myfyrwyr isod:

• Angharad French (Ysgrifennu Creadigol)
• Rosie Dymond (Llenyddiaeth Gymraeg)

• Rhyddiaith Gymraeg
• Ysgrifennu creadigol
• Llenyddiaeth gymharol
• Y Dadeni
• Astudiaethau Cyfieithu

Mae Angharad Price yn academydd ac awdur sydd wedi cyhoeddi'n helaeth ym maes llenyddiaeth Gymraeg y cyfnod modern a'r cyfnod modern cynnar, yn aml mewn cyswllt a chyfandir Ewrop.

A hithau wedi graddio mewn Ieithoedd Modern yng Ngholeg Iesu, Rhydychen (lle cwblhaodd hefyd draethawd DPhil mewn Astudiaethau Celtaidd), mae ei hymchwil academaidd yn aml yn pontio rhwng llenyddiaeth y Gymraeg a llenyddiaethau Ewropeaidd eraill. Mae hi hefyd wedi cyhoeddi nifer o nofelau, dramau a chyfrolau o ysgrifau, ac wedi cyfarwyddo llu o draethodau PhD mewn amrywiol feysydd, gan gynnwys beirniadaeth lenyddol, ysgrifennu creadigol ac astudiaethau cyfieithu. Mae ei diddordebau ymchwil yn y meysydd hyn yn rhan annatod o'i gwaith dysgu a darlithio ar lefelau BA ac MA.

Penodwyd hi'n Uwch-ddarlithydd yn Ysgol y Gymraeg, Prifysgol Bangor yn y flwyddyn 2006 ac fe'i dyrchafwyd yn Athro yno yn 2014.

Ymhlith ei phrif gyhoeddiadau ymchwil mae Rhwng Gwyn a Du (2002), sef astudiaeth ar ryddiaith Gymraeg diwedd yr ugeinfed ganrif a Ffarwél i Freiburg (2013), astudiaeth ar waith cynnar T. H. Parry-Williams a enillodd Wobr Syr Ellis Griffith yn 2014 ac a osodwyd ar Restr Fer Llyfr y Flwyddyn yr un flwyddyn. Ei chyfrol academaidd ddiweddaraf yw Gororion: Llen Cymru yng Nghyfandir Ewrop (2023), casgliad o ysgrifau sy'n edrych ar gysylltiadau llenyddol rhwng Cymru a'r cyfandir. Hi yw golygydd Chwileniwm: Llenyddiaeth a Thechnoleg (2002), a chyd-olygodd Translation Studies: Special Issue Wales gyda Helena Miguelez-Carballeira a Judith Kaufmann yn 2016. Bu'n aelod o fwrdd golygyddol O'r Pedwar Gwynt, Ysgrifau Beirniadol a Thrafodion Anrhydeddus Gymdeithas y Cymmrodorion. Mae hefyd yn un o Ymddiriedolwyr Cyngor Llyfrau Cymru ac yn aelod o Bwyllgor Dyniaethau a Gwyddorau Cymdeithasol Cymdeithas Ddysgedig Cymru.

Etholwyd hi'n gymrawd yng Nghymdeithas Ddysgedig Cymru yn 2015.

Yn rhinwedd ei gwaith fel awdur creadigol, enillodd ei nofel gyntaf, O! Tyn y Gorchudd y Fedal Ryddiaith yn Eisteddfod Genedlaethol Tyddewi 2002, yn ogystal a gwobr Llyfr y Flwyddyn 2003. Mae'r nofel wedi'i chyfieithu i chwe iaith. Cyrhaeddodd dwy nofel nesaf Angharad, Caersaint (2010) a Nelan a Bo (2024), yn ogystal a'i chyfrol o ysgrifau, Ymbapuroli (2021), i gyd Restr Fer gwobr Llyfr y Flwyddyn. Mae hefyd yn awdur dwy ddrama, sef Nansi (2016), enillydd drama Gymraeg orau Gwobrau Theatr Cymru yn 2017, a Congrinero a fu ar daith ledled Cymru ddechrau 2025.

Yn 2014 dyfarnwyd iddi Fedal Glyndwr am gyfraniad neilltuol i'r celfyddydau yng Nghymru.