Croesffordd dewis

: dyheadau a thueddiadau disgyblion ôl-16 cyfrwng Cymraeg wrth ddewis addysg uwch

Abstract

Mae'r astudiaeth hon yn canolbwyntio ar brosesau dewis disgyblion ôl-16 wrth
ddewis prifysgol, gradd a chyfrwng iaith eu hastudiaethau.
Lleolir y dadansoddiad o fewn cefndir theoretig Pierre Bourdieu, ble cymhwysir ei
dri chysyniad o 'gyfalaf diwylliannol, habitus a maes' i'r cyd-destun addysg uwch.
Ystyrir astudiaethau empeiraidd eraill ynglŷn â dewis prifysgol er mwyn gweld pa ffactorau dylanwadol ehangach y dylid eu harchwilio, gan edrych yn arbennig ar yr astudiaethau sy'n trafod y cyd-destun Cymreig. Ymhellach, ystyrir polisi addysg uwch yng Nghymru er mwyn diffinio'r maes, ynghyd â dadansoddiad o ystadegau Cofnodion Myfyrwyr a Staff yr Asiantaeth Ystadegau Addysg Uwch, er mwyn canfod pwy sy'n fwyaf tebygol o ddilyn llwybr addysg uwch Gymraeg.
Ymgymerir â gwaith ymchwil gwreiddiol i astudio prosesau dewis disgyblion ôl-16 mewn ysgolion uwchradd Cymraeg a dwyieithog yng Nghymru, ynghyd â Cholegau Addysg Bellach. Gwneir hyn drwy ddefnyddio dulliau meintiol ac ansoddol i ddechrau, ac yna techneg dadansoddiad atchweliad ar brif gwestiynau'r ymchwil. Mae hyn yn caniatáu archwilio'n fanwl brosesau dylanwad eu cyfalaf diwylliannol a habitus ar eu penderfyniadau wrth ddewis
prifysgolion.

Date of Award	Nov 2010
Original language	Welsh
Awarding Institution	Bangor University
Supervisor	Delyth Morris (Supervisor)