Abstract
Carreg sylfaen i fyd lliwgar ac amlochrog Clara Novello Davies yw'r astudiaeth hon. Cyfosodir ei chyfraniad a'i gweithgarwch mewn meysydd cerddorol a diwylliannol gyda datblygiad y cerddor proffesiynol yng Nghymru, Lloegr a'r Amerig ar ddiwedd y bedwaredd ganrif ar bymtheg a dechrau'r ugeinfed ganrif, gan ystyried i ba raddau y bu'n rhagflaenydd yn ei maes yn ystod y cyfnod hwn.Er bod camau breision wedi'u gwneud yn y cyfnod diweddar i ddatblygu'n
gwybodaeth o faes cerddoriaeth yng Nghymru, mae dirfawr angen craffu'n ddyfnach i fyd y gwragedd hynny a fu mor allweddol yn llywio'r trywydd cerddorol yng Nghymru. Ymgais i gyfrannu at y broses o unioni'r dafol yw'r astudiaeth hon a thynnu sylw at un a fu'n arloesol yn ei dydd, ond sydd bellach wedi cilia i ymylon y cof.
Creffir yn benodol ar ei gwaith mewn cyd-destun proffesiynol gan gyfosod rhai o'i hathroniaethau gyda rhinweddau a ffaeleddau cerddoriaeth yn yr unfed ganrif ar hugain.
Rhoddir ystyriaeth i'w chorau a'i gwaith fel arweinyddes a hyfforddwraig lleisiol,
ynghyd a'r meysydd ymylol a oedd yn rhan annatod o'r agweddau hynny, a'u
cyfosod yn erbyn yr hinsawdd cerddorol Cymreig a Phrydeinig y cyfnod. Wrth
graffu ar lawysgrifau, cyfnodolion a phapurau newydd o'r cyfnod gellir olrhain ei
chyfraniad, ei dylanwad a'i phroffesiynoldeb a'i gyfosod yn erbyn y traddodiad
cenedlaethol a rhyngwladol ehangach.
| Date of Award | 2015 |
|---|---|
| Original language | Welsh |
| Awarding Institution |
|
| Supervisor | Wyn Thomas (Supervisor) |
Cite this
- Standard