The Tune is the Nation’s: Astudiaeth o Drefniannau Alawon Gwerin Cymreig Grace Williams

Abstract

Astudiaeth o drefniannau lleisiol o alawon gwerin Cymreig gan Grace Williams (1906–1977)rhwng 1950 a 1960 yw sail a sylfaen yr astudiaeth hon. Mae’r ddegawd hon yng ngyrfa’r gyfansoddwraig yn adlewyrchu cyfnod mwyaf cynhyrchiol Williams fel trefnydd alawon traddodiadol. Nid yw’r astudiaeth yn trafod ei threfniannau o alawon offerynnol, ond yn hytrach yn canolbwyntio ar y gweithiau lleisiol yn unig. Daeth yn amlwg fod trefniannau o alawon brodorol yn agwedd werthfawr o allbwn y gyfansoddwraig sydd wedi eu hanwybyddu mewn astudiaethau cyhoeddedig amdani. Gan gofio mai â cherddoriaeth gerddorfaol y cysylltir Grace Williams yn bennaf, mae’r traethawd hwn yn adlewyrchu’r awydd i ymchwilio a rhoi sylw i’w harddull leisiol (mewn trefniannau syml i blant, gweithiau unawdol a chyfansoddiadau corawl). Gobaith yr astudiaeth yw dwyn sylw haeddiannol i gyfansoddwraig na chafodd gydnabyddiaeth deilwng yng Nghymru nac ar Ynysoedd Prydain yn ystod ei hoes.

Date of Award	16 Jan 2023
Original language	English
Awarding Institution	Bangor University
Sponsors	Ymddiriedolaeth James Pantyfedwen
Supervisor	Iwan Llewelyn Jones (Supervisor) & Pwyll ap Sion (Supervisor)