Modd i fyw

Electronic versions

Documents

Abstract

Carreg sylfaen a man cychwyn ar gyfer ymchwil ym maes Cerddoriaeth mewn Iechyd a Lles yng Nghymru yw'r traethawd hwn.
Ynddo, ystyrir datblygiad hanesyddol y maes yng Nghymru, gan edrych ar y dylanwadau o gyfeiriad byd iechyd a chymdeithaseg sydd wedi bod yn gyfrwng i ddyrchafu pwysigrwydd Cerddoriaeth mewn Iechyd a Lles ers dechrau'r ugeinfed ganrif. Ystyrir hefyd y modd y mae'r maes wedi blodeuo ym Mhrydain yn ogystal ag yn rhyngwladol, er mwyn gosod y datblygiadau Cymreig mewn cyd-destun ehangach.
Edrychir yn benodol ar ganu corawl amatur fel enghraifft o gyfalaf cymdeithasol, a thrwy gyfrwng holiaduron, ymchwilir i'r modd y gall gweithgaredd o'r fath ddylanwadu ar iechyd a lles y boblogaeth yng Nghymru. Drwy hyn, ystyrir yr angen a'r posibiliadau yng Nghymru i ddefnyddio cerddoriaeth gymunedol er mwyn hybu iechyd a lles unigolion, a'r modd y gallai'r toriadau yng nghyllid y celfyddydau ddylanwadu'n andwyol ar gyflwr iechyd a lles cymunedau Cymru ben baladr.
Rhoddir ystyriaeth hefyd i'r sylw gwleidyddol a gafodd y maes yng Nghymru, ac yn enwedig datblygiad ac arwyddocâd cyhoeddi Y Celfyddydau mewn Iechyd a Lles: Cynllun Gweithredu ar gyfer Cymru gan Gyngor Celfyddydau Cymru yn 2009. Drwy gyfrwng cyfweliadau gydag arbenigwyr ac ymarferwyr profiadol, ystyrir y ffactorau allweddol sy'n ymwneud â'r maes yng Nghymru heddiw, a'r angen i ehangu ac ymestyn y maes i'r dyfodol.

Details

Original languageWelsh
Awarding Institution
Supervisors/Advisors
  • Sally Harper (Supervisor)
  • Wyn Thomas (Supervisor)
Thesis sponsors
  • Coleg Cymraeg Cenedlaethol
Award date2012