Lleoliad: F5a Thoday, Ysgol y Gwyddorau Naturiol ac Amgylcheddol, Prifysgol Bangor

E-bost: prysor.williams@bangor.ac.uk

Ffôn: 01248 382 637

X/Twitter: @PrysorWilliams

Rwyn'n Gyfarwyddwr Cwrs ar gyfer y graddau BSc ac MEnvSci mewn Gwyddorau'r Amgylchedd. 

Rwy'n aelod o Fwrdd Academaidd y Coleg Cymraeg Cenedlaethol, ac yn Gadeirydd y Panel Daearyddiaeth, Amaeth a'r Amgylchedd.

Rwy'n eistedd ar Grŵp Gweithredu Ansawdd Cwriciwlwm Prifysgol Bangor. 

Rwyf wedi bod yn Arholwr Allanol cyrsiau israddedig ym Mhrifysgol Aberystwyth a Phrifysgol Cymru y Drindod Dewi Sant. 

Trefnydd modiwlau: 

• DXX-1002 (Level 4) Environmental Management & Conservation
• DXX-3402 (Level 6) Waste Management & Utilisation
• DXX-4101 (Level 7) Master of Env. Science Dissertation

Cyfrannwr i'r modiwlau:

• DXC/X-1000 (Lefel 4) Tiwtorialau Academaidd / Academic Tutorials
• ONC-1001 (Lefel 4) Dadansoddi Data Amgylcheddol
• DXC/X-1006 (Lefel 4) Gwaith Maes / Fieldwork: Eryri
• DXX-2002 (Lefel 5) Water, Air & Soil Pollution
• DXX-2012 (Lefel 5) Field Course: Environmental Conflicts
• DXX-2000 (Lefel 5) GIS & Research Methods
• DXC/X-3701 (Lefel 6) Prosiect Ymchwil / Honours Project
• DXX-3702 (Lefel 6) Management Plan
• DXX-4102 (Lefel 7) Professional Placement
• DXX-4999 (Lefel 7) MSc Dissertation
• DXX-4042 (Lefel 7) Agriculture & the Environment

Mae gennyf ddiddordebau eang yn y maes sy'n pontio amaeth a'r amgylchedd. Dyma rai o'r prif (ond nid yr unig) feysydd:

• systemau pori 
• cyrraedd Sero Net mewn systemau da byw
• rheoli pridd a maethynnau
• dwysau cynaliadwy systemau da byw
• defnydd tir a chyflenwi nwyddau cyhoeddus
• ymwrthedd i wrthfiotigau 

Cysylltwch ar bob cyfrif os ydych am drafod syniadau ar gyfer prosiectau PhD.

Cefais fy magu ar fferm da byw ucheldir ac rwy’n parhau i ffermio, sy’n rhoi profiad uniongyrchol i mi ar faterion amaethyddol ac amgylcheddol, ochr yn ochr â fy safbwynt academaidd.

Mae gen i ystod eang o ddiddordebau ymchwil ym maes amaethyddiaeth a'r amgylchedd. Mae'r rhain yn canolbwyntio'n bennaf ar systemau da byw, gan gynnwys yr heriau a'r cyfleoedd i gyrraedd allyriadau nwyon tŷ gwydr Sero Net, rheoli adnoddau organig (slyri, tail, ac ati), pathogenau, ymwrthedd i wrthfiotigau, a phriddoedd. Ar ôl gweithio ar sawl prosiect rhyngddisgyblaethol mawr, rwyf hefyd wedi datblygu cryn ddiddordeb yn y trafodaethau parhaus ynghylch defnydd tir (dwysáu cynaliadwy, darparu nwyddau cyhoeddus, ac ati).

Rwyf hefyd wedi bod yn rhan o brosiectau mawr yn ymchwilio i'r potensial ar gyfer arbedion ynni a chynhyrchu ynni o fewn y sector dŵr (https://www.dwr-uisce.eu/) a gweithfeydd ynni dŵr ar raddfa fach (http://hydro-bpt. bangor.ac.uk/).

Rwy’n eistedd ar sawl pwyllgor allanol, gan gynnwys:

• Cadeirydd Fforwm Newid Hinsawdd y Diwydiant Amaethyddiaeth
• Aelod o Fwrdd Cyswllt Ffermio
• Aelod o Weithgor Arloesi ac Ymchwil Cynaliadwy Hybu Cig Cymru
• Aelod o Fwrdd Menter a Busnes
• Cadeirydd Partneriaeth Tirwedd y Carneddau
• Cynrychiolydd Prifysgol Bangor ar y grŵp Global Farm Platform
• Aelod o Banel Cynghori Gwyddonol Sero Net yr NFU

Cefais Wobr Allanol 2023 gan Undeb Amaethwyr Cymru am “wasanaethau i amaethyddiaeth”.

Byddaf yn ymgysylltu’n aml â diwydiant a’r cyfryngau ar faterion yn ymwneud ag amaethyddiaeth a’r amgylchedd, drwy gyfrwng y Gymraeg a’r Saesneg.